ഇതൊരു കുരിശിൻ ജൈത്രയാത്ര

സഹനങ്ങളോരോന്നായ്
ചുറ്റിലും ഏറീടവേ
തളരില്ല എൻ മനം
താണീടില്ല എൻ ശിരസ്സും

തകർച്ചകൾ ഏറീടുമ്പോൾ തളർച്ചകളില്ലാതെ
താങ്ങാകുമെന്നിശോയെ
നിൻ കരമെന്നുമെനിക്കാശ്രയം
ഉറ്റവരൊക്കെയും അകന്നിടവേ

ഉണ്മയാം നാഥാ നീയെന്നും
ഉലയാത്ത ബന്ധുവായ്
ഉലകത്തിൽ എന്നുമെന്നും
നിന്നോടൊത്തുണരാൻ

നിന്നോടൊത്തു ചരിക്കാൻ
ഏകീടണേ നിൻ സ്നേഹ സ്പർശം
തൂകിടണേ നിൻവരങ്ങൾ
ഇടറും പാദങ്ങൾക്കു താങ്ങായ്

മുറിവിൽ സ്നേഹ തൈലമായ്
പാതകളിൽ അണയാദീപമായ്
പാവനരൂപാ നീയെന്നും
തുണയാകണേ.

കുരിശുമായ് പതിയുമ്പോൾ
കനലായി എരിയുമ്പോൾ
കാൽവരി നാഥാ
കാരുണ്യം തൂകണേ

ജീവിതക്ലേശത്തിൻ
കയ്പുകുടിച്ചിറക്കി
സഹനത്തിൻ മുൾമുടിച്ചൂടി
വിജയത്തിൻ യാത്ര

തുടങ്ങുന്നേൻ
ജീവിതത്തിൻ കാൽവരിയാത്ര.
ഇതൊരു കാൽവരി യാത്ര.
ഇതൊരു കുരിശിൻ ജൈത്രയാത്ര

ജീനറ്റ് പി കെ അധ്യാപിക, സെന്റ് ജോസഫ് CBSE സ്‌കൂൾ പാവറട്ടി, തൃശൂർ